"Miyoskamin" ᐅᖃᕈᑕᐅᔪᓐᓇᖅᐳᖅ "ᐅᐱᕐᖔᖅ" ᐅᕝᕙᓘᓐᓃᑦ "ᒪᓂᕋᕐᒥ" Cree−ᒥ.

ᐃᓱᒪᒋᔭᐅᑦᑎᐊᖅᓯᒪᔪᖅ ᐊᒻᒪ ᐱᕐᔪᐊᖑᓪᓗᓂ ᐊᓯᔾᔨᖅᐸᓪᓕᐊᓂᕐᒧᑦ ᐃᒡᓗᓕᕆᓂᕐᒧᑦ ᐱᓕᕆᐊᖅ ᒪᓐᑐᕆᐋᓪᒥ ᓴᖅᑭᑕᐅᓚᐅᖅᓯᒪᔪᖅ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᕿᒫᕝᕕᖓᓄᑦ ᒪᓐᑐᕆᐋᓪᒥ, ᐊᑎᓕᒃ ᒥᔮᔅᑲᒥᓐ ᓂᕈᐊᖅᑕᐅᓚᐅᖅᐳᖅ ᑕᑯᒃᓴᐅᖁᓪᓗᒍ ᓄᑖᖅ ᑕᐃᒪᐃᑦᑐᖅ ᐱᓕᕆᐊᒃᓴᖅ.

ᓄᓇᖃᖅᑳᖅᓯᒪᔪᓄᑦ ᐊᕐᓇᓄᑦ ᕿᒫᕕᒃ ᒪᓐᑐᕆᐊᒥ

ᐊᕐᕌᒍᑦ 12 ᐅᖓᑖᓂ, ᓯᓐᓇᑦᑑᒪᒋᔭᐅᓚᐅᖅᑐᖅ ᒥᔮᔅᑲᒥ ᐱᒋᐊᓚᐅᖅᓯᒪᔪᖅ. ᐱᔨᑦᑎᕋᑦᑎᐊᖃᑦᑕᖅᓯᒪᓂᑰᓪᓗᓂ ᓄᓇᓕᕐᔪᐊᖑᓂᖅᓴᓂ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂ ᐅᖓᑖᓄᑦ 25 ᐊᕐᕌᒍᑦ, ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᕿᒫᕕᖓ ᒪᓐᑐᕆᐊᓪᒥ ᐱᒻᒪᕆᐅᓯᒪᔪᖅ ᐃᓂᒃᓴᐅᓪᓗᓂ ᓄᓇᖃᖅᑳᖅᓯᒪᔪᓄᑦ ᐊᕐᓇᓄᑦ ᕿᑐᕐᖓᖏᓐᓄᓪᓗ.

ᑲᔪᓯᓂᖃᑦᑎᐊᕋᓗᐊᖅᑎᓪᓗᒋᑦ ᒪᒥᓴᕐᓂᕐᒧᑦ ᐃᖏᕐᕋᓂᐅᔪᑦ ᐊᒥᓱᓄᑦ ᑲᒪᒋᔭᐅᔪᓄᑦ ᓄᓇᕗᒻᒥWSM−ᒥ, ᐱᔨᑦᑎᕋᕐᓂᕐᒧᑦ ᐱᑕᖃᙱᓐᓂᐅᔪᖅ ᓇᓗᓇᐃᖅᑕᐅᓚᐅᖅᑐᖅ ᑭᖑᓂᐊᒍᑦ, ᐱᓕᕆᐊᕆᓗᒋᑦ ᐊᒃᓱᕈᕐᓇᖅᑐᑦ ᓲᕐᓗ ᐃᒡᓗᓕᕆᓂᕐᒧᑦ ᐃᓚᐃᓐᓈᖅᑕᐅᓂᖅ, ᐊᑐᖃᑦᑕᖅᑐᓄᑦ ᑐᓗᖅᑕᕈᑏᑦ, ᐅᖃᐅᓯᕐᒧᑦ ᐱᔾᔪᑎᑦ, ᐊᒻᒪ ᐃᓕᓐᓂᐊᕐᓂᖅ ᐃᖅᑲᓇᐃᔭᕐᓂᕐᒧᓪᓗ ᐊᒃᓱᕈᕐᓇᖅᑐᑦ. ᐃᓕᑕᕆᐅᒪᓪᓗᒍ ᐱᔭᐅᔭᕆᐊᖃᕐᓂᖓ ᐊᑯᓂᐅᔪᒃᑯᑦ ᖃᓄᖅᑑᕈᑎᑦ, ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᕿᒫᕝᕕᖓ ᒪᓐᑐᕆᐋᓪᒥ ᐋᖅᑭᒃᓯᕙᓪᓕᐊᓕᓚᐅᖅᐳᑦ ᑕᐅᑐᖅᑰᖅᑕᒥᓂᒃ ᓴᓇᑎᓪᓗᒋᑦ ᐊᐃᑉᐸᖓᓂ ᐱᓕᕆᐊᖑᓂᐊᖅᑐᒥᒃ, ᐊᓯᔾᔨᖅᐸᓪᓕᐊᔪᑦ ᐃᒡᓗᓕᕆᓂᕐᒧᑦ ᐱᓕᕆᐊᑦ ᓄᓇᖃᖅᑳᖅᓯᒪᔪᑦ ᐊᕐᓇᓄᑦ ᐊᒻᒪ ᕿᑐᕐᖓᖏᓐᓄᑦ − ᐅᖓᕙᕆᐊᕐᓗᒍ ᐱᓕᕆᐊᒃᓴᕗᑦ ᐱᔪᓐᓇᕐᓂᖅᑖᖅᑎᓪᓗᒋᑦ ᐃᓚᒌᑦ ᐊᒻᒪ ᓂᕆᐅᒋᔭᖏᑦ ᑕᐅᑐᖅᑰᖅᑕᖏᓪᓗ ᐱᓕᕆᐊᖑᖁᓪᓗᒋᑦ.

ᑭᓱᓂᒃ ᐱᔭᕆᐊᖃᖅᑐᖃᖅᐸ ᐃᑲᔪᖅᑐᐃᔪᒥᒃ ᐃᒡᓗᕐᔪᐊᒥᒃ?

ᒥᔮᔅᑲᒥ ᓴᓇᔭᐅᓚᐅᖅᑐᖅ ᐃᓱᒪᒋᔭᐅᑐᐃᓐᓇᙱᖦᖢᓂ. ᐱᓕᕆᐊᒃᓴᓪᓗᐊᑕᕆᔭᑦᑎᓐᓂ ᐊᑐᐃᓐᓇᐅᑎᑦᑎᓗᑕ ᐃᑲᔪᖅᓱᐃᓂᕐᒥᑦ ᐃᓚᒌᑦ ᑲᑎᙵᐃᓐᓇᕈᓐᓇᕐᓂᐊᕐᒪᑕ.

2019−ᒥ ᐃᓄᖕᓂᒃ ᖃᐅᔨᒋᐊᖅᑏᑦ ᑲᑎᒪᔨᖏᑦ ᐱᓕᕆᖃᑎᒌᒃᐸᖕᓂᖏᓐᓄᑦ ᓄᓇᖃᖅᑳᖅᑐᑦ ᐃᓄᖏᑦ ᐊᒻᒪ ᐃᓚᖏᑦ ᒐᕙᒪᒃᑯᑦ ᐱᔨᑦᑎᕋᖅᑎᖏᑦ ᑯᐸᐃᖕᒥ (Viens Commission,ᐅᖃᓕᒫᕐᓗᒍ ᓇᐃᓈᖅᓯᒪᔪᖅ ᐅᓂᒃᑳᖅ ᐅᕙᓂ), ᓇᓂᓯᓚᐅᖅᑐᑦ ᐊᑕᖐᔪᓂᒃ ᑐᓗᖅᑕᕈᑎᓂᒃ ᐅᑯᓇᓂ: ᐸᓖᓯᒃᑯᑦ, ᒪᓕᒐᓕᕆᔨᒃᑯᑦ, ᑎᒍᔭᐅᓯᒪᕝᕕᓕᕆᔩᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ, ᐊᒻᒪ ᒪᒃᑯᒃᑐᑦ ᓴᐳᔾᔭᐅᔾᔪᑎᖏᑦ.

ᑖᒃᑯᐊ ᖃᓄᐃᓕᖓᓕᕈᑕᐅᓲᑦ ᖁᐊᖅᓵᖅᓇᖅᑐᓄᑦ ᐃᖅᖢᒃᑯᑦ ᐊᐅᓪᓚᖅᑎᑕᐅᓂᑯᓄᑦ ᐃᓚᖃᖅᑐᑦ ᑭᓯᐊᓂ ᑭᒡᓕᖃᙱᖦᖢᑎᒃ ᐅᑯᓄᖓ: ᑎᒡᓕᒃᑕᐅᔪᓄᑦ ᓄᓇᒧᑦ ᐊᒻᒪ ᓱᕋᒃᓯᒪᔪᓄᑦ ᐊᖏᕈᑎᓄᑦ, ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ, 60's scoop, ᐊᒻᒪ ᒥᑭᑦᑐᑦ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᑦ ᑑᑐᓪ ᕿᑭᖅᑕᒧᑦ ᑎᑭᑉᐸᒃᑐᑦ.

ᐃᓚᖏᓐᓄᑦ ᑕᐅᑐᒃᑎᓄᑦ, ᒫᓐᓇ ᐊᑐᖅᑕᐅᔪᖅ ᓄᑕᖅᑲᓄᑦ ᐃᓂᑖᖅᑎᑦᑎᓂᕐᓂ ᐃᓚᒋᔭᐅᑐᐃᓐᓇᖅᐳᖅ ᑲᔪᓯᔪᒥᒃ ᐊᓯᐅᕙᓪᓕᐊᓂᕐᒥᒃ: ᓲᕐᓗ ᐊᐅᓪᓚᖅᑎᑕᐅᓪᓗᑎᒃ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ ᐊᒻᒪᓗ ᒪᓕᒐᕐᒥᒃ ᓱᕋᐃᓪᓗᑎᒃ ᑎᒍᐊᕐᓃᑦ ᖃᐅᔨᒪᔭᐅᓪᓗᑎᒃ ᐃᒪᓐᓇ "600-ᖑᔪᑦ," ᐃᑲᔪᕐᓂᖃᕐᒪᑦ ᐱᑕᖃᕈᓐᓃᖅᑎᑦᑎᓂᕐᒥᒃ ᐊᒻᒪᓗ ᓴᙲᒡᓕᒋᐊᖅᑎᑦᑎᓂᕐᒥᒃ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᒃ ᐃᓅᖃᑎᒌᖕᓂᕐᒧᑦ ᓴᓇᔭᐅᓯᒪᔪᓂᒃ.

ᐊᓯᖏᑦ ᐅᖃᒻᒪᕆᓚᐅᖅᑐᑦ ᒪᒃᑯᒃᑐᑦ ᓴᐳᒻᒥᔭᐅᓂᖏᑦ, ᐊᒥᓲᓪᓗᑎᒃ ᐃᓂᑖᖅᑎᑕᐅᓂᖏᑦ ᓄᓇᖃᖅᑳᖅᓯᒪᔪᑦ ᓄᑕᖅᑲᑦ, "ᓄᑖᖅ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᓄᑦ". ᑕᐸᐃᕐᓇᓪᓗᐊᙱᑦᑐᖅ, ᑕᒪᓐᓇ ᐱᔾᔪᑎᒋᓪᓗᒍ, ᓄᓇᖃᖅᑳᖅᓯᒪᔪᑦ ᓄᓇᓕᖏᑦ ᐅᒃᐱᕈᓱᖕᒪᑕ DYPs−ᑯᑦ ᐱᑕᖃᕐᓂᖏᓐᓂᒃ "ᐲᖅᓯᓂᕐᒥᒃ" ᓄᑕᖅᑲᓂᒃ. ᐃᓚᖏᑦ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᑦ (ᓲᕐᓗ ᐊᓂᓰᓇᐱ), ᑕᐃᒎᓯᖅ "ᑐᑭᒧᐊᒃᑎᑦᑎᔨ ᒪᒃᑯᒃᑐᓄᑦ ᓴᐳᒻᒦᓂᖅ" ᑐᑭᓕᐅᕆᔭᐅᓯᒪᔪᖅ "ᐊᕐᓇᖅ ᐅᕝᕙᓘᓐᓃᑦ ᕿᑐᕐᖓᓕᒃ." *

ᖃᖓᒃᑰᕋᔭᕐᓂᖏᑦ

ᔪᓚᐃ 2023−ᒥ, ᐃᒡᓗᕐᔪᐊᖅ ᐱᐊᓂᒃᑕᐅᓪᓚᕆᓚᐅᖅᐳᖅ, ᐃᖅᑲᓇᐃᔭᖅᑎᓪᓗ ᐱᓕᕆᔪᓐᓇᖅᓯᓚᐅᖅᖢᑎᒃ ᐃᓂᖓᓄᑦ

ᐅᑐᐱᕆ 2023−ᒥ, ᑐᙵᓱᒃᑎᑦᑎᓚᐅᖅᐳᒍᑦ ᓯᕗᓪᓕᖅᐹᓂᒃ 5−ᓂᒃ ᐃᓚᐅᔪᓂᒃ ᐃᒡᓗᓕᕆᓂᕐᒧᑦ ᐱᓕᕆᐊᖑᕙᒃᑐᒥ

ᓄᕕᐱᕆ 2023−ᒥ, ᑐᙵᓱᒃᑎᑦᑎᓚᐅᖅᐳᒍᑦ ᑎᓴᒪᒃᑲᓐᓂᕐᓂᒃ ᐃᓚᐅᔪᓂᒃ

ᑎᓯᐱᕆ 2023−ᒥ, ᑐᙵᓱᒃᑎᑦᑎᓚᐅᖅᐳᒍᑦ ᑎᓴᒪᒃᑲᓐᓂᕐᓂᒃ ᐃᓚᐅᔪᓂᒃ

ᐊᑦᑕᕐᓇᙱᑦᑐᒥᑦ, ᑲᒪᒋᔭᐅᑦᑎᐊᖅᑐᒥᑦ, ᐊᒻᒪ ᐊᑭᑐᓗᐊᙱᑦᑐᒥᑦ ᐃᒡᓗᖃᖅᑎᑦᑎᓗᑎᒃ, ᓂᕆᐅᒃᐳᒍᑦ ᒥᔫᓯᒥᓐ ᐱᕈᕐᕕᐅᔪᓐᓇᖁᓪᓗᒍ ᐊᑕᐅᑦᑎᒃᑯᑦ ᐊᒻᒪ ᑭᖑᕚᕇᓄᑦ ᐊᑐᖅᑕᐅᔪᓐᓃᕐᓗᓂ ᖁᐊᖅᓵᕐᓇᖅᑐᒃᑰᖅᑎᓪᓗᒋᑦ ᐊᒻᒪ ᐲᖅᑕᐅᓗᑎᒃ.

ᖃᐅᔨᒋᐊᒃᑲᓐᓂᕆᑦ ᐃᓪᓗᓕᕆᓂᕐᒧᑦ ᐱᓕᕆᐊᓂᑦ

ᐃᓂᒋᔭᐅᔪᖅ

ᖃᐅᔨᓂᖅ ᓇᓃᓐᓂᖓᓂᒃ ᒥᔫᓯᑲᒥᓐ ᐱᒻᒪᕆᐅᓚᐅᖅᑐᖅ ᐊᓪᓗᕆᐊᕈᑎ. ᒥᔮᔅᑲᒥ ᐃᓂᖃᖅᑐᖅ ᒪᓐᑐᕆᐋᓪᒥ − ᐱᓱᒡᕕᐅᓪᓗᓂ ᐃᓕᓐᓂᐊᕐᕕᖕᓄᑦ, ᒥᕐᙳᐃᖅᓯᕐᕕᖕᓄᑦ, ᐱᓱᒡᕕᖕᓄᑦ, ᐊᒻᒪ ᐅᓄᖅᑐᓄᑦ ᓄᓇᓕᖕᓂ ᑲᑐᔾᔨᖃᑎᒌᓄᑦ ᐱᔨᑦᑎᕋᖅᑐᓄᑦ ᓄᓇᖃᖅᑳᖅᓯᒪᔪᑦ ᖃᑕᙳᑎᒌᓂᒃ. ᑖᓐᓇ ᖃᐅᔨᒪᒋᐊᖅᑐᖅ ᖃᑕᙳᑎᒌᑦ ᓂᕈᐊᖅᑐᑦ ᐃᓅᓗᑎᒃ ᒥᔫᔅᑲᒥ, ᐃᓄᑑᑎᑕᐅᔭᕆᐊᖃᙱᑦᑐᑦ ᐱᑕᖃᖅᑐᓂᑦ ᐱᑕᖃᖅᐸᒌᖅᑐᓂᑦ ᐱᓕᕆᖃᑎᖏᓐᓂ.